【息賺】今年長揸石油股要諗過
【Now財經台】《彭博》終端機篩選的高息股榜中,市值100億元以上、股息率3厘或以上、2021年股利總回報最多係中國石油股份 (00857),今年石油股係咪仲可以財息兼收?
香港大學房地產及建設系客席副教授楊書健指,2021年秋天無論石油、煤還是天然氣,都開始大規模上升,所以去年相關石油股造好係唔意外。市場有預測指,今年油價會突破2019年高位,但當電動車銷售佔新車10%至20%,未來佔比可能愈嚟愈大,令石油需求變得唔明朗,油價可能會更加波動,但Victor話,如果短炒石油股,石油價格波動當然有好處,不過,如果打算長揸,就要考慮石油需求及供應都有慢慢萎縮嘅問題。