【息賺】房託今年交到貨
【Now財經台】過去1個月,市值100億元以上的房託,先撇除股息率不談,原來只得越秀房產信託(00405)基金價格錄得正回報,其餘幾隻主要房託,包括領展房產基金(00823)、置富產業信託(00778)、冠君產業信託(02778)全都都要跌,但房託今年仍然跑贏恒指,本港房託今年表現係咪唔算太差?
香港大學房地產及建設系客席副教授楊書健指,房託跑贏恒指證明大家睇到佢嘅穩定性,今年比較特別嘅係上半年租金仍然跌緊,而且測量師行預期下半年更會再跌啲,新鴻基地產(00016)公布咗截至6月底止全年業績,在港經常性租金收入下跌5%至只有180億元,平均出租率91%,喺依家疫情之下尚算平穩。
Victor又話,本港房託表現始終與實體經濟掛鈎,今年領展物業出租成本跌咗,反映樓市比上年健康咗,出租成本低咗,令零售商繼續經營嘅誘因多咗,亦係今年本港房託普遍做得唔錯嘅原因。