香港股市 將在 4 小時 19 分鐘 開市

【星級理財】伍文生放養3個仔女 退休想返澳洲做水吧

嚟到今集,伍文生會講吓家庭,講吓童年,仲有講吓退休。

伍文生有3個小朋友,大女兩仔,分別10歲、8歲和6歲,都係讀基本的政府學校。佢話做爸爸嘅,當然望子成龍,但佢認為品格更加重要,希望仔女可以做個好人。佢仲講笑話自己讀書唔叻,如果子女有佢嘅遺傳,都未必讀得成書。不過佢又諗,唔一定所有行業都係靠「讀」返嚟,有啲行業著重經驗,將來最緊要睇子女興趣,如果份工著重經驗多啲,仔女努力去填補相關經驗已經夠好!

之後佢繼續分享佢「放養」仔女嘅方法。佢話養3條化骨龍一啲都唔吃力,因為快樂唔係用錢買嘅。佢話佢啲仔女主要參加學校活動,花費不多,其餘時間都係跑吓步、游吓水。到咗假日,就一家大細去沙灘玩,曬吓太陽,跑吓、食吓嘢已經夠開心。佢仲話坊間成日話養大一個小朋友要幾百萬,佢無認真計算過,但肯定小朋友俾佢嘅快樂唔只值幾百萬咁少。

跟住佢分享自己嘅童年生活,話細個媽媽做車衣,佢都會去幫手送衫頭衫尾和剪線頭,從中賺一元八塊。佢認為小朋友都應該自己賺零用,咁先知道搵錢艱難,先會用得其所。

最後,佢仲分享自己嘅理想退休生活,就係返澳洲做水吧!佢話工作無分貴賤,只要工作能夠滿足到家庭需要,自己又快樂就足夠。

想知「文生哥哥」更多人生觀,快啲click入嚟睇啦!