【環球金融快線】博Tesla股價「U Turn」小心跣胎
【Now財經台】Tesla股價連跌4日,一度低見950美元水平後,又彈上1000美元樓上,如果睇技術走勢,若股價自高位回落20%,意味已「見熊」,但Tesla股價又彈返起,係咪代表已見咗短期低位?
LW利達基金經理及合夥人黃耀宗指,一隻股票嘅股價自高位回落20%,其實唔等於跌入熊市,係要睇返每隻股份嘅特質,Tesla嘅特質係好Chok,睇返過去幾年上升通道波幅介乎50%至60%,估計Tesla股價近期回調,主要係創辦人Elon Musk高調減持,短線要睇住940美元水平嘅上升裂口補唔補到,補到先可以重拾動力。