【股市脈搏】勝獅派中期息令人失望
【Now財經台】勝獅貨櫃(00716)股價開市後一直急跌,暫時最多跌逾12%,成交量比過去100日同時段平均多逾5倍。
如果公司如期收齊太平船務1.49億美元應收帳,折合派息應該有超過0.4港元,但上星期五收市後,公司宣布只派息0.2元,令市場大跌眼鏡。再者,通告話要收到太平船務嘅應收帳先會派息,但又冇交代「收數」嘅進展,所以未知幾時先派到錢畀股東。
不過,公司依家嘅股息率有22厘,而且公司派末期息嘅機會都大。投資者可以留意日內股價有冇機會企穩10天線,即1.26元水平。