【股市脈搏】吉利股價受造手機消息拖累
【Now財經台】吉利汽車(00175)今日成為早段表現較差的藍籌之一,與小米集團(01810)拖低恒指共30多點。
吉利輕微高開後,一度跌8%低見21.05元,跌穿7月底低位,現價報22.05元,跌4.1%。
近日有消息指,吉利要造手機對抗小米,不過市場似乎唔受落,即使吉利母企宣布預計25年全球運營5000座智能換電站呢個好消息,對股價都冇幫助,反而要受製造手機消息拖累。
吉利RSI跌穿30,以往跌穿30後,股價過一段時間便會反彈,後市要留意在股價弱勢時,公司會否有好啲消息公布,令資金再追入。