【股市脈搏】呷哺繼續彈唔起?
【Now財經台】呷哺呷哺(00520)暫時係今季表現最唔掂嘅邊爐相關股,累跌超過40%,係恒生綜指季度第3大跌幅股份,呷哺今朝一度跌近4%,低見8.73元,之後跌幅收窄。
呷哺舊年賺少一大截,近月又頻頻「地震」,4月湊湊首席執行官張振緯劈炮,上個月行政總裁趙怡又被炒,加埋早喺第1季已經有機構投資者清倉,呷哺股價一直冇運行,由2月中高位約27.1元跌到現水平,已經累跌近68%。
近3個月,呷哺14天RSI一直喺30水平,接近超賣水平,現時處於所有移動平均線樓下,後市要留意臨近季尾係咪繼續彈唔起。