【股市脈搏】呷哺要靠「五‧一」黃金周救價
【Now財經台】呷哺呷哺(00520)今朝逆市急挫,低開6%後,賣盤湧現,一度低見11.2元,大跌逾21%,跌至近半年低位,最新跌約14%,報12.3元,成交金額已超過4億元。
呷哺今日急挫,主要係集團旗下新增長動力品牌湊湊嘅首席執行官離職,湊湊去年貢獻咗銷售31%,而且疫後復甦力強,最新已經完全回復至疫情前水平,但CEO突然劈炮,可能會影響店舖擴張等部署。
呷哺股價今朝跌穿250天線後,即刻有反彈,好快就到「五‧一」黃金周,睇下市場消化完CEO離職消息後,會唔會有返買盤。