【股市脈搏】大酒店衝完呢浸就完?
【Now財經台】半島酒店母企香港上海大酒店(00045)開市前公布,獲大股東嘉道理家族於場外增持逾12%股權,每股作價12.8元,溢價接近1倍。大酒店股價今朝高開超過6%後,一度升近28%,高見8.5元,其後升幅收窄,成交股數較過去100日同時段平均大增60幾倍。
睇返技術走勢,大酒店今日高位只係上到8.5元,大股東增持價差好遠,衝上逾半年高位後就縮得好快,形成好長嘅影線,再睇埋燭芯形態,明顯係退守250天線水平,即係去年10月及11月嘅雙頂位置,一日之內試晒兩個阻力都有掉頭跡象,反映再上衝阻力重重。