【股市脈搏】小心現代牙科趁高Cap水
【Now財經台】現代牙科(03600)股價今朝輕微高開後,升幅一度擴大至逾21%,高見9.9元,創新高,不過,午後走勢急轉直下,一度倒跌近13%,低見7.11元,4連升暫時要斷纜,成交股數較過去100日同時段平均大增10倍。
現代牙科今日大升,應該同噚晚公布嘅首季營運數據靚,仲有東莞廠房產能提升,同埋公司就快推出「隱形牙箍」服務有關。受惠於利好消息,大行富瑞金融集團大幅調升目標價至12.3元。
值得留意係,現代牙科借貸超過8.6億元,但截至去年底止,手頭現金只得近7億元,小心趁高「抽水」。