【股市脈搏】百倍PE泡泡瑪特再上要靠...
【Now財經台】泡泡瑪特(09992)噚晚出咗第3季營運數據,收益按年升75%至80%,其中在線抽盒機、電商平台表現強勁,分別錄得1.3至1.35倍增長。受消息刺激,泡泡瑪特今朝一度升逾10%,成交亦急增,成交股數較過去100日同時段平均大增8倍,暫時成交金額約5億元,已經多過噚日全日。
泡泡瑪特去年底以38.5元上市,日前先見過上市低位45.15元,今日係連續第2日陽燭抽上,重上保歷加通道中軸,同埋7月拉出嚟嘅下降軌,仲一度觸及50天線,即55元水平,但值得留意係,泡泡瑪特市盈率(PE)已經去到100倍,公司今朝會同投資者舉行會議,睇下有沒有業務指引或利好消息再推高股價。