【股市脈搏】美國SEC「出手」科指隨時穿底
【Now財經台】科指今朝跌過百點或逾2%,一度低見5855點。
美國證交會強制喺當地上市中概股交審計資料,市場擔心會爆中概股除牌潮,拖累科指今朝下跌。
睇返技術走勢,科指7月底大跌後,一直喺5700至7000點嘅長方形上落,如果中概股繼續跌,有可能會穿底。
至於科指五隻比重最大成分股,即快手(01024)、美團(03690)、京東集團(09618)、騰訊控股(00700)、阿里巴巴(09988)未來嘅走勢將會係關鍵,暫時以阿里走勢最差,今朝又創在港上市新低,插穿120元,曾低見116元。