【股市脈搏】BENG SOON MACH突暴瀉一度「升仙」
【Now財經台】新加坡拆除服務供應商BENG SOON MACH(01987)今朝高開逾1.4%後,升幅一度擴大至逾13%,高見2.38元,喺上午10點左右,股價突然「跳水」,一度急瀉近97%,低見0.065元,成交股數逾9億股,差唔多等於10億股嘅已發行股本,成交量較過去100日平均飆約2倍。
BENG SOON MACH股價今日突然暴瀉,有消息指,現時持有BENG SOON MACH 2.64%嘅凱基證券,懷疑有一名持有呢批股份嘅凱基客戶爆煲,因而被凱基斬倉。
其實BENG SOON MACH基本面麻麻,2020年開始蝕錢,舊年上半年蝕近300萬坡元,股價過去1年大部分時間喺2元至3元上落,今朝一度淪為仙股,後市要留意呢隻細價股有咩消息跟尾。