【胡．說樓市】公屋都可以扮靚靚！16萬點樣打造小蝸居？

誰說公屋無資格扮靚靚？如果用得其所，低成本都可以打造小蝸居！今次呢個323呎嘅公屋單位，只係用咗16萬就完成工程，究竟有無貼士？

今次嘅設計單位其中一個重點係配合周邊環境，設計師先於用色上著手。走入廚房，L型廚櫃一排過沿牆邊伸延，無論櫃板至頂櫃都用上綠色，跟室外景色如出一轍。

廚房、洗手間門打對角設於門口位置，形成小玄關。為了騰出更多廚房面積，雪櫃索性置於玄關位，讓廚房枱面有更多空間擺放煮食用具。

至於飯廳一邊牆身做到頂儲物櫃，中間設中空C型櫃，下放鞋櫃，上放飾物，中空位置可放鎖匙，銀包，甚至叉電物品。望落客廳、飯廳布局分明，只因客廳前方，現時放電視機位置設有一幅牆身，舊式公屋則沒有這個優勢。

淡淡黃光從牆身燈槽滲出，單位份外柔和。梳化旁多添一組飾櫃，可擺放男戶主心愛模型。是屯門兆康站剛入伙公屋「欣田村」，一家三口住在裡面，單位要間兩房也是挑戰，只因間房後會遮了客飯廳僅有的透光窗。

設計師表示，今次工程上的難題是很多時客戶希望客廳有充足光線，所以他刻意用上更多燈光效果，配合玻璃門的擺位，讓陽光滲透入屋內。

用私樓經驗來打造公屋設計單位，但最終埋單十六萬搞得掂，設計師表示跟廚廁不用全拆有關。今年入伙的新公屋石門村、蘇屋村等，起樓時已有足夠水電設施，建議可保留慳裝修費。