【胡．說樓市】投資拆細「工作室」有無得諗？

港人居住空間愈來愈細，上周睇完「共居概念」，咁工作環境又如何？目前在港持有90萬，基本上與物業絕緣，連一個車位都買不起的時候，竟然可以買起一間「工作室」。從投資角度睇，又諗唔諗得過？

事實上，由一層工廈拆售出來的「工作室」，近年相當流行，但部份業主為求用盡樓面，一劏三、四十間，走廊九曲十三彎，故選擇「工作室」時，必須留意是否符合政府及消防條例。

視乎地區、入場價不用100萬，不受辣稅束縛是賣點，問題是但求短時間升值脫手，又是否可行？

實情樓市辣招無鬆綁，資金四方八面湧入工商鋪、以至車位市場，參考差估署資料，過去一年，港九新界工廈價格都有升幅，九龍區升幅最大，按年大升近20%，去到每呎8,780元，新界也升近15%。

但是否代表納米「工作室」也有同樣升幅? 前提要視乎租客有無承接。但分析員也建議，投資者在選購這些工作室時，還要考慮日後的重售能力，以及按揭問題。

住就住納米樓、連工作也愈趨迷你化，下一步會否邁向「共享工作室」(Co-working space)？

據外資行《仲量聯行》報告，現時全港有50間類近營運商，在全港80個地點提供Co-working space，總樓面超過100萬呎，在短短三年間增長五成。