【胡．說樓市】抽唔到「弦海」點算？同區二手盤唔失禮！

愈起愈細、160呎單位不斷挑戰人體極限。莊士屯門業旺路新盤「弦海」，最平唔使3球，嫌單位太細，或者抽唔中嘅準買家點算？其實細心搵，區內二手盤未必失禮！

「弦海」一層十九伙三部電梯，但這個屋苑也是三部電梯，但密度卻大減，一層只得八伙。這個叫價550萬的放盤，圍起呎價萬二，較「弦海」低23%，是「新屯門中心」一個兩房，同新盤唔同，二手盤成交後可即買即住，投資者亦可即時放租。

不要看單位多雜物，但實情空間闊落，橫向式的客飯廳，就算放了很多小朋友玩具，仍有一定空間。睡房打對角擺，每間均可放置雙人床及大衣櫃。

類近單位高峰期造價600萬元，部份業主叫價更無限上綱至600萬過外，無四成首期也是行人止步。今日開價對比高位回落50萬元，而且仍可議價，據經紀稱，業主接受一成以上的議價空間。

新盤到入伙時才上會，屆時銀行是否能夠估足，卻是未知之數。 但二手卻有即時參考。以這個單位計，銀行對單位估足價，四間銀行估533萬至583萬元之間，大致貼近叫價水平，準買家手持首期110萬可以買到，月供大約17101元、月入41065元已可過壓力測試。

當樓市仍然回調之時，人棄我取的逆向思維模式，會否反而成為執平貨好時機呢？值得大家深思。