著名漫畫家高橋和希遇溺亡 軍人稱他為救人而罹難
經典漫畫《遊戲王》作者高橋和希今年7月喺沖繩海上被發現遺體,懷疑潛水期間遇溺身亡,終年60歲。不過近日有駐日美軍透露,當日高橋係為咗救人而落水,但遇上激流最終罹難。 美軍少校布爾喬近日接受軍方報紙《星條旗報》訪問時透露,佢當時喺現場聽到一名婦人呼救,得知婦人嘅女及一名美軍被困喺激流當中,而且離岸越黎越遠,於是佢同埋兩名學生落水救人,之後成功將女童及軍人都救上岸。 之後布爾喬上岸,有一名學生同佢講,頭先都有一名男子落水救人,但無上返黎,事後佢發現,嗰名男子就係高橋和希,布爾喬對事件感到難過,認為高橋係英雄,為救人而死。日本當局無證實事件,但早前公布嘅情況,同布爾喬講嘅類似。