蔡天鳳謀殺案被告擁豪宅及居屋 議員批漏洞荒謬
名媛蔡天鳳謀殺案當中一名被告同時擁有豪宅以及居屋單位,引起爭議,房屋署長王天予今日話,唔評論個案,當局假設居民唔會坐擁龐大資產,但宜家出現極端例子,會檢視係唔係需要收緊要求。 謀殺案其中一名被告係蔡天鳳前夫嘅父親鄺球,佢名下不單擁有近8000萬港幣嘅豪宅,更有一個居屋單位,網上有消息更話,佢喺內地擁有兩間7000萬資本嘅公司。 立法會議員田北辰就批評,居屋機制有漏洞,情況荒謬,建議檢查綠表購買居屋嘅申請人有冇持有物業,另一議員盧偉國就話,居民擁有物業資料係大數據,質疑當局點解唔可以掌握。