諾貝爾獎得主曾任教中國大學 最後竟不獲續聘引熱議
今日諾貝爾獎經濟學得主由三人共同獲得,包括前美國聯儲局主席伯南克,經濟學者戴蒙德及迪布維格。其中迪布維格原來喺2010至2021年,就任西南財經大學金融研究院院長,但去年不獲績聘,有人更指係因為未過考核,唔少網民都感嘆,中國大學錯過咗諾貝爾獎得主。 原來迪布維格係一個「中國迷」,有學生話,佢喺學校留長髮,更會扎辮,著唐裝四圍走,比中國人仲中國,佢嘅講座都大受歡迎,不過,有流傳指佢被解聘係因為考核不通過。 但有一名記者開設嘅公眾號就話,迪布維格屬於學校嘅智囊機構,並唔需要考核,佢唔續留大學嘅原因,更多係因為疫情,每次黎中國都要長期隔離,對美國人黎講難以忍受。唔少網民都惋惜,中國大學又同諾獎擦身而過。