【魚樂無窮】四隻「特息股」邊隻最值博?
【Now財經台】市場今日其中一個焦點係公司業績,有4隻已出咗業績嘅股份都有派或計劃派特別息,分別係晶苑國際(02232)、嘉里建設(00683)、英皇系及和記電訊香港(00215)。
著名投資專欄作家唐牛指,晶苑全年派息只係3厘幾,唔算好吸引,但勝在有誠意,因為公司上市以嚟年年都派息,而且每年都加碼,今次為慶祝公司成立50周年,所以派埋特別息。
佢又話,嘉里建設股價業績後升咗超過6%,應該唔關業績事,因為盈利倒退,但公司打算將賣咗嘉里物流(00636)股權最多30%收益用嚟派特別息,計返數個特別息有9厘幾,係幾吸引。
唐牛指,英皇國際(00163)及英皇娛樂酒店(00296)有啲「怪怪地」,因為前者賣咗一啲酒店畀後者,涉及約20億元,但英皇國際派嘅特別息仲少過英皇娛樂。
至於未正式落實派特別息嘅和記電訊香港,唐牛話,睇返依家公司嘅財經狀況,和電有機會係4隻股份中派得最慷慨。
至於邊隻「特息股」買得過,唐牛認為,英皇孖寶最唔吸引,和電就最值博,因為…