《反黑路人甲》昨首播 王浩信艷福無邊與7靚女演員過足戲癮
無綫新劇《反黑路人甲》喺噚晚首播,男主角王浩信喺劇中艷福無邊,有7位靚女藝人同佢有對手戲,仲要係女神同港姐級,而家我哋睇下有邊幾位啦!
馮盈盈
2016年港姐冠軍馮盈盈,入行後即被無綫力捧,佢喺《 #後生仔傾吓偈》十分健談,被網民讚佢夠貼地同真性情,就更加為大家帶來唔少歡樂。除咗擔任節目主持人之外,盈盈仲有參與劇集拍攝,例如《果欄中的江湖大嫂》MK妹小狼女及《白色強人》方書婷醫生等等。今次佢喺《反黑路人甲》中飾演警花顧欣頤, 佢係臥底王浩信上司,雖然以齊蔭馬尾乖乖女髮型示人,不過下身就以黑絲上陣,非常性感!
高海寧
「咪神」高海寧(高Ling)喺2008年參選港姐後入行,過往都會因出眾身材成為焦點,不過近年佢憑精湛演技,成功擺脫花瓶形象,演技獲得觀眾及網民肯定。除咗啱啱播完嘅《殺手》及熱播中嘅《迷網》,今晚首播嘅《反黑路人甲》都有佢嘅演出。佢喺劇中飾演明星莊明麗,將會有性感演出,勁騷好身材。佢為咗向王浩信套料,不惜向對方飛擒大咬。除咗王浩信之外,, 佢仲會同石修大玩父女戀。
湯怡
當年參加《美女廚房》中「美少女廚神」選舉環節而入行嘅湯怡,過往都係拍電影為主,今次係佢第一次參與無綫劇集,佢喺劇中飾演黑社會頭目個女蘇芷珊,佢四眼妹傻更更咁,真係好可愛。佢抗拒繼承父業,並成為一位老師,但都會著短裙仔上陣。另外,佢仲會同王浩信有感情線。
傅嘉莉
傅嘉莉喺入行2003年以模特兒身份入行,同年憑劇集《當四葉草碰上劍尖時》開始為人認識,之後喺2013年再度拍劇,憑《衝上雲霄II》嘅「咖啡妹」Josie一角而備受注目,深得網民愛戴。之後嘅每一年,大家都會係劇集見到傅嘉莉嘅蹤影,今年除咗《大醬園》之外,劇集《房客路人甲》都有佢嘅演出,佢喺劇中飾演黑幫二小姐蔣千瑜,係王浩信沒有血緣關係嘅妹妹之一,同王浩信及警司許家傑均有感情線。
蔣家旻
已經出道13年嘅蔣家旻,過往喺劇集經常飾演少女時期或妹妹角色,例如《天與地》少女葉梓恩及《愛‧回家》馬子妮。今次佢喺《反黑路人甲》有新突破,佢唔再係大家心中嘅乖乖女馬子妮,而係飾演夜場大家姐姚清水,佢會賣弄性感去勾引王浩信,仲會用美腿誘惑。
賴慰玲
演藝學院出身嘅賴慰玲,當年由舞台劇跳入劇集,不過佢嘅演技完全唔似新人,更被前輩黃秋生大讚佢好戲及被封「小鄭裕玲」。由14年開始,賴慰玲都有參與唔少無綫劇集拍攝,例如《女人俱樂部》少女版許珍妮、《殭》丘玲梅、《棟仁的時光》丘茵茵及《機場特警》曾曉晨等等。而今次佢喺《反黑路人甲》中飾演黑社會大家姐蔣千霞,掌管三萬個社團門生,同臥底張振朗有感情線,二人仲會有唔少激烈床戲。
林宣妤
2017年華姐亞軍嘅林宣妤,被網民棒為「新一代女神」。2018年正式加入無綫嘅佢,原本應該係以拍劇為主,不過就因為香港節奏及壓力過大而患上暴食症,今年5月離開無綫,現時已經返回大馬。佢今次喺劇中飾演黑幫蔣家三小姐蔣千惠,戲份甚重。