好激!《沒女》首播 大挖黑暗面
之前出promo已經震撼觀眾眼球嘅真人騷《沒女大翻身》噚晚終於首播啦!7位沒女都有唔同嘅性格特點,例如,公主病、懶、惡等等,睇完第一集真係完全感受到性格主宰命運。一連20集會被觀眾見證呢7位沒女點樣喺半年內大改造。
淨係第一集已經有唔少金句令觀眾O晒嘴啦~
同《盛女》、《求愛》一樣,改造前一樣有誓
師大會。不過今次唔係嗌吓口號就算,精彩好多。新移民阿銀連環爆金句,懶人阿怡話為咗個仔咩都去做,最激嘅係「極品Meggie」被導師踢爆將阿媽買俾佢嗰層樓去做按揭兼借埋大耳窿,之後仲要阿媽幾十歲人每個月幫佢還萬幾蚊等等,真係一地花生殼。
圖片來源:電視截圖