《一屋老友記》大寶勇救二寶 兄妹終和好如初
無綫劇《一屋老友記》繼續熱播中,觀眾晚晚追看之餘,劇中一眾角色亦成功彈起!除咗歐陽震華同樣受歡迎,索人妻滕麗名及童顏張彥博都人氣急升,大家對呢家人都非常受落!劇集不時大放笑彈固然係賣點,但同時都有唔少感人情節,好似Bobby與劉江的父子情就最賺人熱淚。而昨晚一集就大晒兄妹情,講述Bobby終於同妹妹阿滕和好如初,場面溫馨動人!
延伸閱讀︰
取消泳褲環節 回味港男激凸畫面
獲詩詠餵食cake 馬明:好甜呀!
劇情講到大寶(歐陽震華飾) 終向家人承認造假遺囑一事,眾人得知後非常憤怒,於是由二寶(滕麗名飾) 成為遺產承繼人,佢更將大寶趕出家門。大寶唯有喺極狹窄的小食店休息室暫住,而且寒冷天氣下又冇棉被,真係好陰功!
同一時間,依蘭(羅蘭飾)發現白樺(胡楓飾)靈氣不足,愈來愈虛弱,於是想燒頂級壇香令佢盡快回復元氣。不過要燒香就要上身,所以佢只好上咗當時在家的二寶身。
蘭姨上咗二寶身、打算去燒香之際,燦燦(胡定欣飾)突然到訪,但蘭姨竟發現自己法力盡失,無法脫離二寶身體,之後更暈倒在地上。但係二寶本來喺廚房煮嘢食未熄火,情況好危險!
身在小食店的大寶見到蘭姨的提示(紅色內褲)就知出咗事,於是即刻飛奔回家!
大寶同燦燦趕回家後即時救出二寶,大寶仲救火英雄上身,衝入廚房撲火!
後來蘭姨終於成功離開二寶身體,二寶亦都醒番,佢發現大寶救火時不小心燒親手,即時勁緊張!
一家人邊會有隔夜仇,大哥受傷妹妹當然好擔心,不停咁鬧鬧鬧… 但其實都係出於關心啫!
之後二寶細心地幫大寶包紮傷口,燦燦大讚大寶為咗家人可以連命都唔要!雖然係誇張咗啲,但親情的確係無可替代!
二寶亦都心軟,准許大寶由小食店搬返屋企,兩兄妹終於成功破冰,一家團聚!
大寶又可以再同菲菲一齊玩啦!