田蕊妮生日trip 杜汶澤有嘢講

928生日嘅田蕊妮，昨晚仍然要為劇集《女人四十》開工，踏入十二點，幕後就送上蛋糕為阿田製造驚喜，阿田開心話雖然自己唔係四十，係四十一歲，但都好開心，很多謝大家的心意。
收工瞓一陣，阿田已經出發機場，原來老公杜汶澤安排了生日trip，阿田仲抵死咁問：「究竟你帶我去邊？」去邊唔緊要，最緊要老公嘅心意啫，不過杜汶澤就發揮他的幽默本色，在facebook有嘢講喎，講乜？佢話：「去旅行眼瞓過開工。」大家都回應佢，叫佢唔好曬命！

而好姊妹唐詩詠一早就同阿田過咗二人生日飯局，阿田話：「有人問點解你地兩個會咁好嘅？我地因拍劇相識，之後事無大小，佢都會同我分享，佢唔開心時候，我會擔心佢。佢開心時候，我會戥佢高興。佢會問我好多問題，有時我會懷疑自己額頭係咪寫咗詢問處呢三個字！哈哈！但係當佢有幾日無搵我，無問我嘢我又會好掛住佢！多謝你提前同我慶祝生日，這是我今年第一個蛋糕，希望我地大家健康幸福！I love u。」

圖片來源：田蕊妮@Facebook

影片來源：田蕊妮@Facebook

更多明周娛樂新聞
「#metoo」【閃光彈】江若琳最後的單身生日 Oscar驚喜賀禮撐大蘋果
「#metoo」為江美儀送生日驚喜 余德丞下周四出活動
「#metoo」關之琳牛一 B哥即場唱歌賀壽
「#metoo」老友唱歌賀壽 蔡興麟憶故人感觸落淚
「#metoo」等候「長頸鹿男友」出現 胡定欣生日曬香肩許願
「#metoo」【毛台劇專訪】杜汶澤奉命力捧盤菜瑩子 毛記電視製「毛台劇」