笑到最後｜量子電腦之沒有不倒的霸權（高明）

傳統電腦單位係0同1，量子電腦中一個量子比特可以同時處在0和1的狀態。 (Sodsai CG via Getty Images)

當你以為ChatGPT好新好勁時，最新又有更新嘅科技推出。

下載Yahoo財經APP

美股外幣即時報價 多國新聞任睇

IBM（IBM）喺《自然》期刊度發表一篇論文，首度利用自家嘅127量子位元Eagle量子電腦成功咁解決咗一個傳統超級電腦解決唔到嘅問題，今次IBM研究據稱改善量子電腦相對不足嘅準確性。

傳統電腦單位係0同1，量子電腦中一個量子比特可以同時處在0和1的狀態，量子比特還可以進行糾纏，多個量子比特可以被連接在一起，一個量子比特的測量將影響到其他所有糾纏的量子比特，即使相距很遠。用人話嚟講，就係一旦量子電腦有如其他科技一樣普及化，高端嘅半導量研發更低納米嘅晶片，變得冇乜意義。

量子電腦運行需要極低的溫度及高度隔絕環境。就算即刻有實驗量子電腦成功，大規模普及化仍要更長時間。

ASML最危險

如果呢件事發生，Nvidia（NVDA）、台積電（TSM）、ASML（ASML）等晶片霸權股，就會變得唔重要，或者要有明顯追上步伐嘅投資，情況有如微軟（MSFT）押中OpenAI一樣令Google變成追落後股。上述三間以ASML最危險，因為一注獨贏光刻機。台積電代工，接到單亦可能轉到型。Nvidia則睇有冇投資轉型。

本欄一方面又叫人買霸權股，另一方面又表示沒有不倒的霸權，有冇矛盾呢？高明有以下回應：

一、投機角度永遠一方面諗點樣賺盡，另一方面又要準備全身而退。係慣常思考模式。

二、Nobody同霸權差距太大，即使你今日好勁，都要投靠霸權，由佢哋出錢，OpenAI就係一例，買霸權股如微軟，就係中多條三重彩咁，買看得見嘅霸權，命中率仍然高過唔知邊度嚟嘅明日之星。

三、好多霸權係各方面已經落後，例如Meta（META），先追元宇宙再追AI，再到創辦人朱克伯格同Elon Musk約打困獸鬥，都係落後。但股價低位都係會反升，因為安安份份做返本業，仍然係強勁嘅業務。

高明

facebook：https://www.facebook.com/bigricetea

IG：https://www.instagram.com/koming.usstocks/

作者簡介︰賺錢係目標，炒股係手段，專欄記載由手段到目標嘅過程。

本欄逢周三刊出