雅虎香港財經 菊梓喬「最受歡迎女歌星」平鄭秀文楊千嬅記錄 原來盧覓雪唔識佢？
無綫舉行嘅《2020年度勁歌金曲頒獎典禮》喺噚晚圓滿結束，星夢歌手菊梓喬（Hana）獨攬5.5個獎成為大贏家，包括三首金曲、與林峯合唱嘅《低谷天堂》獲得「最佳合唱歌曲獎」銀獎、「最受歡迎網絡女歌星」及「最受歡迎女歌星」，真係好犀利，難怪有「星夢一姐」之稱。
以前嘅「最受歡迎女歌星」真係好難攞，天后王菲和陳慧琳只係攞過兩次，而鄭秀文和楊千嬅都係三次，但2016年入行嘅HANA已經平咗鄭秀文和楊千嬅嘅紀錄，亦終止容祖兒長達七年蟬聯紀錄，引起唔少網民討論。Hana跳唱水準一直受到批評，網民仲話佢首首歌都好似一樣。無論網民點熱議都好，佢仍然蟬聯「最受歡迎女歌星」。
早排，主持盧覓雪及梁栢堅喺《Mean傾 第三季》邀請咗超資深藝人經理人Kitty媽、簡民迪作客，傾下一班新進歌手。期間盧覓雪話連菊梓喬個名都唔記得，淨係知佢喺TVB好紅嗰個。雖然Hana攞咗幾年「最受歡迎女歌星」，盧覓雪都唔記得個名，不過佢都唔係唔識新一代，佢係識得Mirror、Error同Serrini㗎！
按此下載全新應用程式Yahoo APP，並以Yahoo電郵免費登記成為會員，即時可完成簡單任務賺取Ypoints，憑分即可換領不同獎賞！ 新人更可即時換領限量新人禮，立即下載！
