【被排斥?】傳菊梓喬壓力爆煲 放狗期間淚流滿面
正所謂「人紅是非多」,出道只有短短兩年幾嘅菊梓喬(Hana),上星期喺《2018年度勁歌金曲頒獎典禮》橫掃六個大獎,仲力壓天后容祖兒首次奪得「最受歡迎女歌星」,成為「星夢一姐」。當時,同佢屢傳不和嘅師姐吳若希就坐正隔離,雖然都有擁抱,但吳若希嘅浮誇大笑,被指似恥笑多過真心,令唔少網民鬧爆Jinny。
雖然獲得認同,但人紅自然壓力大!今日有報道指Hana喺頒獎禮前夕放工帶狗仔落街散步時,突然神色凝重。聽完個電話之後,Hana仲更加忍唔住淚流滿面。
其實Hana呢兩年成績真係唔錯,有多首唱到街知巷聞嘅劇集主題曲,例如《一輩子守候》、《手中沙》、《忘記我自己》、《欲言又止》、《飛蛾撲火》及《從未說起》等等。
有指原本係「星夢一姐」嘅吳若希,當年高調未婚懷孕再結婚,令佢「愛將」之位轉贈他人。之後吳若希產後復出,有傳佢不滿活動嘅排位等問題,屢次排斥Hana。
有傳星夢下令Hana唔可以講Jinny半句壞話,佢自自然然受到好多委屈,有好多「不能說的秘密」。唔知係咪因為咁,而令到Hana無啦啦淚流滿面,一個人坐喺到喊,真係令人見到都心酸!