雅虎香港財經 KingSir傾樓│個個都睇定啲 減息都冇人入市（葉景強）
期待已久的美國減息終於來臨，上星期四美聯儲局宣佈減息半厘，比原先市場預期的1/4厘多，但最意外的是本地多間大銀行隨即跟減1/4厘，實際按息下調至3.875厘。減息對買家來說實是好消息，但為何過去週末住宅成交卻不似預期呢？
美股外幣即時報價 多國新聞任睇
市民擔心會不會又是「狼來了」
回想去年初本港通關後，市民大都估計經濟將快速好轉，誰知情況強差人意，樓市持續下跌。今年初政府宣佈樓市全面撤辣，市場大都相信樓市終能守得雲開見月明，誰知撒辣效應只能維持兩個多月，樓價又再下跌。如今美國減息，市民都非常擔心會不會又是「狼來了」，旺一陣就散，現在入市會唔會做傻仔，想入市的買家此刻都不敢輕舉妄動，都係「睇定啲」 比較穩陣。
雖則由年頭至今新盤已售出超過10,000伙，但發展商現時手上仍有多達23,000伙待售，甚麼蝕本價、甚麼深水炸彈價，眼見開價一個低於一個，新盤還陸續有來，不知今天的低價會否成為明天的高價，都係「睇定啲」為妙。
本地經濟疲弱，除個別行業外，大部分如金融、貿易、零售、餐飲等都仍然吊緊鹽水。今天香港經濟轉型，未來充滿著很多挑戰，作為一個打工仔，今日唔知聽日事，就算有自住需要都要「睇定啲」再算。
施政報告添變數
特首在10月份將會宣讀新一份施政報告，未知政府會否為樓市推出一些救市措施，舉例如容許投資者入境計劃申請者將部分資金購買住宅、又或是政府像以往以零息貸款支持首置置業者置業、更激進的將公私營房屋比例由七三比修改為八二比以減少未來私樓供應以穩定樓市；定還是政府想推冧樓市，大力研究發展交椅洲人工島來進一步增加土地供應呢？還有大半個月就會揭曉，都係「睇定啲」為上策。
美國在11月將舉行總統大選。現在兩位候選人旗鼓相當，如民主黨的賀錦麗勝出將延續拜登的施政方針，繼續在戰場上以武器支援烏克蘭及以色列，此舉對未來通脹回落帶來不明朗因素；但如共和黨的特朗普入主白宮的話，他明言會盡快結束俄烏和以巴戰爭，對舒緩全球通脹有利，但他又主張大幅減息以刺激經濟、向所有入境貨物加徵關稅、以及下調企業税及個人所得稅，此舉將有機會推高通脹，反過來增加利息上升壓力。因此，誰入主白宮都足以影響美國未來的減息進程，所以都係要「睇定啲」。
年底前有多項影響着本地以至全球的大事發生，而短期內亦看不到樓市會有明顯反彈，待各項不明朗因素陸續明朗化後才考慮入市亦未為遲，「睇定啲」 可能是現今最好的投資策略。
葉景強
本欄隔周三刊出
