張寶兒任《聲夢傳奇》造型師 網民劣評:難怪個個都咁娘啦
「億萬千金」張寶兒(Bowie)近年除咗做《姊妹淘》及《學是學非》之外,大家都好少見到佢嘅演出,原來佢已經靜靜地轉行擔任造型師。而佢第一個形象指導工作就係拍住形象總監 Janae Chan、設計師何國鉦(Dorian)為一班《聲夢傳奇》參賽者擔任形象指導。
比賽至今三個月,張寶兒一直都冇透露自己係幕後團隊之一,唔知係咪驚自己搶左參賽者風頭呢?直到決賽前,張寶兒先喺社交網站分享星夢學員嘅造型,仲寫上「和大家分享一下,我最近的喜好(除了拍劇和做女兒做家姐做人妻之外)就是為聲夢的聲花聲草style!首次嘗試,但看見他們喜歡這些styles,和能在造型中更自在發揮,也是一種快樂!」而Yumi 及 Lolita 亦多謝Bowie:「Thank u Bowie 姐姐 for the nice outfit」、「辛苦bowie姐姐幫我搵衫!」老公袁偉豪都留言鼓勵:「是妳發揮的時候,加油老婆。」
不過張寶兒為參賽者嘅造型搭配反應唔太正面,唔少網民都給予劣評,留言話「難怪個個都咁娘啦」、「佢自己著衫都咁樣,一味著成身名牌以為就係型,好心唔好學人做stylist啦」、「無taste,唔好累咗聲夢參賽者。」及「唔怪之得咁娘啦,平日已經bad taste ,都唔知憑咩勝任,有你更加唔睇聲夢」等等。
按此下載全新Yahoo APP,睇盡最新娛樂新聞、樂壇消息、名人熱話、熱門電影、Netflix劇評,新人更可即時換領限量新人禮,立即下載!