【專家分析】美股後市要睇呢兩個數據
【Now財經台】美國第2季GDP增長6.5%,遠差過市場預期8.5%,似乎反映距離全面復甦仍有一段路。Jackson Hole央行年會將會喺8月舉行,聯儲局9月再有議息會議,市場會點評估政策轉變?
華盛証券證券分析師聶振邦指,市場預期GDP增長8.5%,原因係舊年基數低,所以期望會相對較高,但其實第2季有6.5%嘅增長,已經高過第1季,相信會有利美股走勢。
聶Sir提醒,未來要留意CPI走勢,如果通脹持續升温,市場會再度憂慮聯儲局「收水」,不過,若消費信心指數一直持平,可能會紓緩市場對通脹嘅憂慮,所以未來2、3個月嘅數據會係焦點所在。