【Wetland Seasons Bay】新地再推濕地公園，收租回報係幾多？

市況轉旺，發展商都加速推盤，新地趁勢推天水圍濕地公園路1號新項目Wetland Seasons Bay，料成樓市焦點。旁邊的同系Wetland Seasons Park，當年以貼嘉湖市價推出，今日收租回報又係點？

下載Yahoo財經APP
美股、外匯、加密貨幣免費即時報價，自選投資組合獲取相關新聞提示。

新地公布，項目正式命名Wetland Seasons Bay，第1期Wetland Seasons Bay涉1224伙單位，關鍵日期為2022年3月31日，樓花期不足一年。

其實，疫情漸趨穩定下，近日樓市再現搶盤熱，天水圍居屋叫價力驚人，居屋「屏欣苑」中層單位以443萬元沽出，單位實用面積382呎，成交呎價竟高達11,597元，貴絕元朗未補地價居屋，可能仲貴過私樓。

元朗、天水圍區連未補地價的居屋都賣過萬呎，區內新盤開價又點會低？近排不單居二市場火熱，連新盤銷售氣氛都好旺盛，新地趁勢推出天水圍濕地公園新盤，新項目位於112發展區，即是濕地公園路1號，項目第一期涉逾千伙單位，高層可遠望深圳景，對出就係濕地公園，所以蚊蟲滋擾都少不免。

旁邊的Wetland Seasons Park表現又係點？該盤分三期發展共有1,727伙，第一期已陸續入伙，一、二期首批呎價為逾1.1萬元，而第三期首批則加價至每呎12,968元。參考第一期的租盤，扣除管理費後，Wetland Seasons Park淨租金回報率約2.6%，例如1期22座低層B5室，面積409呎的兩房單位，當年一手買入價約500萬元，新近以13,000元承租，扣除每呎3.88元的管理費，淨租務回報2.6厘。

當然，這是一年半前的價位，時至今日，同區樓齡較新的栢慧豪園，二手呎價已升至每呎12,652元，根據過往經驗，新地一向都以溢價開盤，估計發展商不大可能再以每呎1.1萬元推售新盤，而且旁邊Wetland Seasons Park交樓後大量租盤湧現，新盤能否再現2.6厘租務回報，市場也不太樂觀吧!