【魚樂無窮】一件一輩子都要做的事（唐牛）

日前與舊同學聚舊，話題總少不了股票與磚頭，其中一位同學分享了他表哥上不到車的故事，內容與大家耳聞目睹的例子大同小異，即死慳死抵卻追不到樓價升幅，但當中有兩個亮點︰第一，原來表哥的老婆（即係表嫂）心頭一直很高，目標是中半山的住宅，所以就算兩人月入六位數字，最後咁多年都係得個睇字。第二，他倆完全沒有理財意識，不會買股票收息，不會買基金增值，就連錢也一直放在家中，近年始知道有存款利率這回事，就像是天賜的禮物。

關於第一點，買樓當然係想住好啲，但正所謂冇咁大個頭唔好戴咁大頂帽，任何事也要按步就班，一步登天只是電視劇情。既然已有彈藥，又有上車需要，何不降低要求，做咗業主先，起碼可以慳番租金，未來升呢都容易啲。

關於第二點，理財乃一輩子的事，對一般打工仔來說，人工只夠維持生命，真正要改善生活，必須靠投資增值，最簡單的方法，莫過於穩穩陣陣買股票收息，中電（002）、煤氣（003）、恒生（011）、領展（823）乃本欄至愛，再保守嘅盈富（2800）也可以。嫌股價太高嘛，可以採取月供方法，務求將成本平均，長遠而言，回報一定好過放在銀行收息；仍然未起步的戰友，要急起直追了！

唐牛fb專頁

http://www.fb.com/tongcow88