【魚樂無窮】央企重組大茶飯（唐牛）

港股擺出強牛陣，街頭巷尾講股票的人越來越多，冇計，股民經歷2015年大時代後爆煲的傷痛，都想在今次大升浪報番一戰之仇。恒指唔夠一個月升近一成，尋頂之旅日日繼續，這個時候不妨問問自己，自己的倉位是否越買越大？孖展比率是否越來越高？股份數目係咪多到手機芒睇唔晒？如果答案全部是，相信昨日的震倉，也足夠閣下手忙腳亂了。都係那句，贏錢固然開心，但也要不忘風險，大市越是升得急，調整也會越勁越密，戰線太多只會令自己難以操作，隨時做錯決定，不得不提防。

中國核能科技（611）周三晚發通告，指原先於去年11月公佈的供股計劃，因為包銷商告知，其控股股東通知近期會有重大事項安排，導致供股時間表出現不明朗因素，故集團與包銷商訂立終止協議，供股計劃亦隨之取消。

當晚內地網站引述澎湃新聞報道稱，國務院已批准中國核工集團及中國核工業建設集團進行重組，將是能源行業繼中電投與國家核電、國電與神華合併後，第三單央企重組個案。

兩個消息有甚麼關係？望一望股權架構，真相大白了︰中國核能科技包銷商不是別人，而是大股東中國核工業建設集團，意味中國核能科技因為這單世紀央企合併，才叫停供股計劃，所以昨日股價炒高13%，收報1.57元。目標價睇幾多？我都答你唔到，因為合併涉及太多因素，但最新市值只得20多億元，基數咁細，憧憬空間有幾大，計數機都計唔到。

唐牛fb專頁

http://www.fb.com/tongcow88