二手淡風｜租盤多過買盤 租樓要高層定低層?

近日二手樓市吹淡風，租盤多過買盤，即使臨近農曆新年，租務淡季的成交仍多。租客在租樓時有多個考慮，包括層數高低問題。近日有網民出post指，一般人都喜歡揀高層單位，惟有朋友專揀低層住，原因係?

下載Yahoo財經APP

美股、外匯、加密貨幣免費即時報價，自選投資組合獲取相關新聞提示

原來網民的朋友因畏高而要住低層單位，即使係中層單位，都唔敢望出窗外，連行近都腳震。有關原因真係估佢唔到，令其他網民熱議，引伸討論究竟租樓要揀低層定高層好?

高層單位唔好處

有網民指，中高層單位以樓望樓景為主，除非是超高層，才可以一望無際，而低層反而有其他景望吓，寧願選擇住低層內園單位，有機會望吓泳池、花花草草咁。如果遇上停電無電梯，就知住高層唔好處。有網民直言，仲有一個因素，住超高層打風時特別搖，所以幾十層樓高大廈要揀住中層或低層就最好

住低層有咩好處?

一般而言，高層單位的租金，較低層單位為高，因低層單位一般較嘈，但租金差距不算大，所以買樓收租一般人多揀低層，因為夠平。有網民認為，低層都有好處，如電梯無電、火警、打風時可以行樓梯上落，唔好處就係曱甴、老鼠容易入屋。

租盤多過買盤?

近期本地疫情嚴峻，部份業主情願暫時封盤，令二手樓交投下滑，反而是大屋苑的租務有逆市上升之勢。本月至今太古坊租務個案錄得約35宗，觀塘凱滙亦暫錄32宗租務成交，出現租盤多過買盤的現象。