外國調查:打工仔逾七成卡路里來自免費零食
返工返到悶悶地,唔少打工仔都會食嘢解悶和提神。明知咁食法會肥,都係忍唔到口,尤其係公司Free snack,免費嘅更難抗拒。
話說有公司收起Free snack,改做健康食品,所以怨聲載道,原來Free snack,真係唔多健康。
美國有調查數據指,打工仔女返工時食嘢所攝取嘅卡路里,當中逾七成係自來免費零食。
早前,美國農業部嘅食物購買及採購調查(FoodAPS),訪問了5222名美國打工仔,其中有22%稱,喺公司一星期至少有一次獲得食物嘅機會,部分購自公司飯堂或食物自動售賣機,其餘嘅則取自公司嘅公共空間。
講到常見嘅「辦公室食物」,通常固體脂肪比例都高,例如薄餅、三文治及「下午茶精選」炸薯條。當然唔少得甜點,好似可樂、Brownies、糖果,都係解睏好幫手;仲有「散水」蛋糕,自己無份派,唯有食多件。
研究指,「辦公室食物」大部分嘅納和精製穀物含量屬高;而較健康嘅全穀物和水果量則較少。而呢啲食物,便令打工仔女平均增加約1300卡路里。
研究負責人指,公司若提供免費飲食,僱主可考慮在會議或公司活動中,提供一啲健康食物俾員工,以改善職場膳食質量。
所謂「辛苦搵來自在食」,返工咁辛苦,要食得好,更要食得健康啲,病假請少啲,做嘢都快手啲添。
來源:The Week
===================
19網輕鬆爆料熱線,歡迎舉報老細同事19惡行,立即click入去講畀我哋知啦