姜濤豪擲千八萬買西環維壹？

姜濤疑似斥資千八萬入手西環豪宅。 (VCG via Getty Images)

早前出席頒獎禮身形掀網民熱議的姜濤，疑似升格為豪宅業主。西環豪宅有一宗涉資千八萬元成交，登記買家名為姜濤，究竟是撞名，抑或姜濤趁小休入市？

下載Yahoo財經APP

美股外幣即時報價 多國新聞任睇

姜濤有首置優勢

以千八萬成交單位，是西環維壹豪宅中層兩房一套間隔，實用呎價27190元。據報是月初成交，而買家支付67.5萬元稅款，以稅款額估計買家是首置客。或許香港不止一位姜濤，但有此財力又叫姜濤，而且是首置客，似乎買家是藝人姜濤呼聲較高。

另一線索是傳媒向花姐查詢，花姐回應與姜濤為工作伙伴關伙，其私人事不便作回應。傳統智慧經理人未作強烈否認，消息就有一定可信性。從這方面看，姜濤確有可能榮升維壹業主。

不妨再從財力及置業喜好分析，千八萬銀碼雖然已超出首置千萬八成按揭上限，但以姜濤的吸金力，加上置業讓家人住好啲是他長年心願，支付七至八球首期再借按揭，對他而言應壓力不大。

至於置業喜好，姜濤以往行蹤主要集中在港島區，日前他便疑似現身大坑打波。去年初他回應傳媒查詢，指自己是在筲箕灣租樓住，以往不少在港島區生活慣的藝人，置業都會選擇港島區物業，故姜濤豪買西環維壹，亦切合其置業喜好。

假如今次首置買家確是姜濤本人，相對Mirror其他成員普遍押注做生意，如自創時裝品牌、開餐廳、合資開健身中心，姜濤選擇買磚頭似乎較保守。但若然本身興趣只限演藝，與其勉強自己搞生意，將工作收成置業保值，兼為家人帶來更理想居所，亦是合理又務實的選擇。