【扮工收風】秘書幫老細同事北上「偷食」
秘書幫老闆做私人事唔出奇,但如果要照顧埋其他同事,做一些過唔到自己嗰關嘅事,咁又應唔應該反抗呢?
呢個經歷係小編一位女秘書朋友的真實遭遇,佢返咗工幾日後,老闆就開始要佢幫手BOOK房,打着開會之名北上,但原來所謂的開會只係配菜,呢位女秘書的真正任務係幫老闆同一齊北上開會的男同事物色及安排高質素的「囡囡」、「偷食」為實。
朋友最初知道時非常抗拒,但為咗保住份工,決定頂硬上,如今每個月,佢都要至少安排一次同類北上活動。
最令人吃驚的是,公司入面好多已婚男同事都係呢個北上團的常客,就算係乖乖仔,都礙於因為唔想得罪老闆,而被逼參與「埋堆」。
呢位秘書朋友在席間講起自己呢份工都充滿罪惡感,近來都試過同老闆遞信,之但係老闆開價加佢5成人工,佢又心絲絲掙扎留唔留低……
如果你係佢,又會如何抉擇呢?
===================
19網輕鬆爆料熱線,歡迎舉報老細同事19惡行,立即click入去講畀我哋知啦