【熱話】Happy Friday 6點收工都係福利?
呢個世代請人愈來愈難,出post請人已經唔單止係考求職者,亦都考起HR。最近有公司在社交平台出post請人,來一招「福利大曬冷」,用創意生動字眼重新包裝14點公司福利。只要定力稍稍唔夠,都有機會落嗒,唔信大家一齊來睇吓,真係疑點重重。
疑點一:Excuse me, 10日大假係鬼福利?12日已經算少,15日一般啦,20日先稱之為多掛,咪玩啦!
疑點二:Happy Friday收6點?咪住,本身份工返幾點放幾點先?如果本身都返9放6,咁就算罷啦。
疑點三:OT飯無上限budget?咁明顯係換個方式說OT咋喎!即係意味OT無上限啦!
疑點四:娛樂sponser、旅遊sponser、學習sponser、電話數據網絡sponser,咁即係點樣先𢱑到sponser?sponser幾多?幾多人爭?公司quota幾多?好多嘢唔係曬冷就大到求職者㗎!
所以公司福利大曬冷呢家嘢真係糖衣毒藥,求職者真係要俾自己一個睇招聘廣告嘅冷靜期,以免中伏呀!
===================
19網輕鬆爆料熱線,歡迎舉報老細同事19惡行,立即click入去講畀我哋知啦