【見工奇談】無博士學位被壓價$2000
讀唔讀博士,其實好睇你做乜工種。如果你係做大學或其他學術研究,可能有冇讀博士,對爭唔爭取到offer有好大影響。之但係採購員都要博士學位?就有點講不過去,有打工仔應徵採購員,就因為冇博士學位,俾人壓價錢2000大元。
呢位打工仔面試嘅係一間外國公司,同事都係高學識之士,早一排佢收到Offer,但比佢expected salary 低咗$2000,HR只係同佢講3個月後再review。原本佢都覺得比人壓價冇乜嘢,可能真係公司budget有限,點知後來知道咗被壓價原因,令呢位打工仔徹底失望。
原來唔係因為呢個Post 嘅Budget有限、亦唔係因為佢經驗唔夠,而係因為佢冇博士學位。
打工仔忍唔住問︰「有博士學位及冇博士學位,對從事採購業來講,有咩唔同?」HR就話︰「你工作經驗好豐富、面試表現都好出色,但我們擔心你語言,而且有博士學位,視野可能更闊……」令呢位打工仔驚嘆學歷原來跟語言能力同視野或上等號。
最搞笑係HR同佢講,你只要過試用期之後,公司就唔再睇學歷,會睇返工作表現。大家覺唔覺得呢個壓價原因,有點兒牽強?
其實如果芸芸應徵者入面,公司決定請你,已經證明你係當下的best choice,但同時HR又想壓價,於是又狂數你缺點,死都要說服你你其實唔係咁正咋,個價就將就一下啦。請問呢個係乜玩法?
最後,呢位打工仔為咗尊嚴同啖氣,決定reject offer,大家又buy唔buy佢咁做呢?
===================
19網輕鬆爆料熱線,歡迎舉報老細同事19惡行,立即click入去講畀我哋知啦