「香港年金」回報不高，但可守財（石先生）

講咗咁耐，香港政府終於都以按揭證劵公司嘅名義推出「香港年金」，入場費 5 萬，每人一生最多只可以買 100 萬。

以最高 100 萬計每個月拿 HK$5,800，內部回報率 (IRR) 約 4%，視乎各人壽命而有所不同。「香港年金」抵唔抵，有無錢賺係好多人第一時間想到嘅問題，因為 4% 聽落唔錯，但如同各路專家所言，通脹會蠶食年金回報，加上提早拿出來有折讓，以投資角度計唔算好著數。

不過，發財容易守財難，人人都有機會成為有錢人，但做咗有錢人之後有無辦法守財係一個難題。按理論，一個學生參加月供儲蓄計劃，10 年後回報先得 1-2%，如果學生讀書時用相同金額儲錢 5 年再一筆過定期回報仲高過月供。奈何生活在城市，消費引誘多如繁星，儲錢 5 年不花難度之大比賺錢更難。今天睇戲，明天打邊爐，後天搶平機票，莫講話投資定期或純儲存，能夠每月有錢剩已經勝過不少同學。10 年過去，回望當初申請銀行戶口時，銀行 Sales 遞上來的月供儲蓄計劃，後悔莫及。

長者消費誘惑不少

年金計劃也一樣，今天看投資回報低，但長者的消費誘惑也不少，有餘錢的購買年金，保證未來每月有收入總比期望政府的生果金好。作為子女的有餘錢畀父母的，似乎買年金較一筆過畀錢好，最少不用擔心父母哪天不幸中了什麼微信朋友求救匯款訊息陷阱，某天參加遠紅外線健體益壽班、購買高昂的神丹妙藥或借予見面數次的遠房親戚朋友。

作者：石先生（科技博客Stone IP）

===============

財經精選資訊網站「中環街市」 臉書粉絲頁