【中環打工妹】大家有真正跟上 A 股時代嗎？（袁莉詩）

「恒指由 28134 點升至 33484 點，歷史性連升七星期，試問幾多人揸夠貨？」

莉詩都覺得我地要正視一個現實，香港嘅股市，以前中資股份及中資背景嘅投資者，參與比例冇咁重。我地要抄今日嘅港股，必須了解中資嘅想法同行為模式。

連升七星期，令到好多大師級唱淡言論跌到成地眼鏡。香港巿場波動性已經被北水增加，而且趨勢操作（trend-following)亦見明顯。原因可能因為兩地交易規則不同：例如「暴力拉升」在內地股市就係形容拉幾個「漲停板」。可能有一些散戶不知道內地係有停版機制，個股升跌一到 10%就停，下個交易日請早。

「07 年恒指個 PE 廿幾倍，現在至 16 倍左右。當時抄「港股直通車」概念，咪即係現在的「北水」，如果 price-in 長期北水的影響的話，恒指再挑戰高位好正常。而且北水抄上海市場同深圳市場，習慣高PE，見到香港巿場會覺得平。」私募基金的組合經理（Portfolio Manager) 朋友 V 對北水嘅看法同莉詩相似。

交易時段及成份股影響。內地市場下午3點收市，北水可能在3點至4點由內地巿場轉戰香港令港股尾市的形勢有所不同。例如一些銀行股，同時在A股及H股上市，亦同時是上證指數及恒生指數的成份股，這些股份的升跌同時影響兩地指數。如果大戶要左右指數，把握這些兩地指數成份股可以起重要作用。

今個星期和一些香港證券業的老前輩交流，前輩稱今天的恒指是「騰訊指數」，指出港股其實集中升強勢中國企業，但她們不熟悉，所以她們從來未買過騰訊。可是北水的喜好，卻喜歡先尋找自己熟悉的公司進行投資。老前輩在香港常用的WhatsApp , 在內地一般是接收不到，只可以用 Wechat (微信）。前輩和很多老股民一樣，沒有裝 Wechat，眼中只有八達通沒有電子支付。不了解新經濟下的商業模式，在現在的形勢下，不適應就只能望洋興嘆。

記得上年有同大家傾過，恒指嘅成份及權重同 10 年前已經好唔同，但係好多香港股民依舊以 2007 年「舊歷史高位」31958 點去比較現在恒指。或許在香港，我們真的需要適應這個地方，這個市場，規則已經在一天一天的改變。我們和中國已經成了命運共同體，你感覺到嗎？

簡介：八十後中環打工妹, 英國畢業後回港體驗200呎豪宅獨立生活, 關心Fintech動向, 既愛financial times, 也愛陶傑張小嫻