【企業錢途】玩命人生 - 一開始就玩命?(林苑莉)
搵錢到底是在玩命?創業企業撞晒板都睇唔清死因?
極有可能係誤判自己所做是天才所為但實情在玩命。每一個人都有其搵錢的方式,但不外乎是以下的四種。賣命,賣產品,賣系統,賣體制,今日先論何為賣命。
賣時間,賣命,賣健康?大部分的工種甚至創業人,不論上至醫生下至售貨員都係同一個類別。職業無分貴賤,不過簡單睇,只要是付出努力勞力時間換取金錢都是同一組。玩命的定義是,工作危險性或難度愈高,同人工是成正比。愈努力,愈辛苦,賣到愈多錢。
打「正苦」工的最簡單就是賣自己的時間,每日返工時間8個鐘,那動人時光都光榮地賣俾市民或政府,是玩命典型例子,(另加一條不明文規定,人工當中有一半係捱罵 的。唉。)在面書上不停地講正面人生的保險或地產從業員,這一種不但賣時間,更賣自己個人品牌,當中的辛酸不足為外人道。(有機會多講這個行業,放心我不賣保險的,不過人不能沒有它。)在創業的,幾個兄弟做來做去的,如茶餐廳,補習社等,都係好努力賣時間賣命中,朕都試過。
給或者醫生自己開一間診所,有兩三個姑娘,是一個老闆,不過都是在賣時間賣健康中。
呢個組別,最特別是他是One & Only One,當任何頭暈身㷫,收入會受影響,沒有持續性。所以在你眼紅點解人地人工高的時候,其實人地在燃燒其生命(作姦犯科類別者不評論)。
所以好多時聽到創業人一講公司發展好好,想再放錢投資。再多問,來來去去都係令自己賣的資源可以再賣多一點搵錢,講得好聽叫發展,講得唔好,其實就係整個氹再深點,死快點。到最後,一係健康出問題,一係現金流出問題。唔,講你聽定唔講好?
轉工,轉行業,到底都是在同一個輪盤上轉,其實到最後都是一樣。所以如果你還覺得自己工作高人一等者,我就不評論了。到底是在玩命!只不過是大玩定細玩而已。
講還講,凡事又未去到咁灰。要脫苦海又係唔係咁難?再上一層,就要加點小創意,上其餘的三級,賣產品,賣系統 ,賣體制。下星期再講。
作者簡介:筆者林苑莉自命為烈女,原以為可不婚不生,不過5年後現為一個小師奶,嫁左一個荷蘭大叔,生了兩粒荷蘭豆,創建4間公司,上年於68個國家中贏出全球青年創業家大獎,現為香港華人青年企業家協會會長,香港金融理財知識和能力策略的大使,每日在影響過千人,望成為一個能因材施教的教育家,希望人人的生命有不同,有選擇。錢可算是一個重要學問,理財不一定只是搵錢。如何用,公司點用,學生點用?我希望出一點力,人人都可用自己的創意找生活空間。