【企業錢途】From Farm to Table 低碳創意錢途（林苑莉）

每一門生意，只要有創新創意，要有錢途，不難。要長青，好難。筆者今日同大家分享一下，創意等如錢途的一例，望其他創業者可借借鏡。

香港絕對是美食天堂，一來選擇多，二來價錢相宜，有陣時煮的時間同機會成本咁高，唉落街買或外賣App算數。不過食得多龍肉都煩，想搵健康點，有意義，有選擇了。

中環係PMQ附近有間社企開左間餐廳 – FAT CHOY 西餐 – 主打From Farm To Table 低碳生活。

講真一間餐廳，要贏當然要煮得好食，有意義更是重點！該社企有自己的農莊，蔬果新鮮每日從農莊運送到餐廳。單從新鮮兩字已經贏了。低碳的重點，在於例如其他餐廳要好的沙律菜，真心要由外國空運，其實有效地用運用當地及時令的食材，好處多好多。

佢高分得來唔只好食，重點是新鮮，有機仲要From Farm To Table。

Marketing 角度，有新產品出，教顧客是必須的。不過，引入新Concept多買點，贏面又多幾分。Organic 講左好多年，近年再玩個新少少的 Farm to Table。

一間公司最重要係其Value Position。舉個例子，麥記同Starbucks，大家都買咖啡，不過兩間公司的品牌同形象不同。顧客買不會單從睇件產品，再會睇其價值同意義。

所以創意主道絕對有好冇壞。筆者欣賞其value position，一來好食，二來有意義。