香港股市 已收市

【拆利是後……】揀兒童戶口未必要「大行先決」

雖然利是餡長年跑輸脹,不過聚沙成塔,子女拆利是埋數過千係等閒事。幫子女管理利是錢最好開個兒童戶口,揀兒童戶口,其實未必要「大行先決」。

篩選四大考慮

過去有一些父母口頭話幫子女儲起利是錢,實際上就用來填補自己利是支出,令子女日後都記著父母不守信用。唔想被子女講足一世,就應該從四個方向篩選出適合子女的兒童戶口,用實際行動幫他們儲起利是錢。

1.開戶門檻

選擇兒童戶口,最簡單想法係到自己用開的銀行開戶。不過部分大行兒童戶口門檻越來越高,例如恆生 「智多Kid理財」戶口只限該行優越及優進理財客戶申請,結餘不足5000元更會收取50元月費。

所以第一項考慮係開戶門檻及收費,中銀、創興及南洋商業開戶金額要求由10元至100元不等,且不設結餘手續費,算係實惠之選。

2.分行位置

第二項考慮係分行位置及人流,小朋友有心學儲蓄,可能每個月都去一、兩次銀行存錢,假如分行唔就腳或大排長龍,小朋友對儲蓄的熱情行快就會幻滅。

3.增值服務

選擇銀行時,亦不妨留意兒童戶口的增值服務。例如東亞銀行的「理財小博士」可加購兒童保險計劃、海外升學保險計劃及醫保,恆生及大新都提供高息存款計劃優惠。部分銀行如東亞、大新的兒童戶口都設有網上理財服務,方便父母與子女一同查閱戶口結餘。

4.迎新優惠

大人揀信用卡都會留意下卡的設計及禮品,小朋友當然不例外。所以與子女一起選擇兒童戶口時,銀行贈送的卡通迎新禮品或自訂相片銀行卡,對小朋友都有一定吸引力,並令他們更珍惜自己的儲蓄戶口。

最後父母亦要考慮何時「還富於孩」,理論上子女升上中學時可以讓他們使用自己戶口的提款卡,但子女尚未學識好好用錢時,交付提款卡日子就應該略為延長了。

港銀兒童戶口計劃比一比