【樓市贏家】有樓唔願賣 一定有古怪（徐峰）

近幾個月樓市不斷下跌，多個屋苑最新成交價較高位隨時有一、兩成的跌幅，就連新盤銷情都大不如前，雖然雷樓神指現時新盤未有減價的壓力，但實際上，多個大型發展商都始乎提早收爐，等待明年才從新上路，是否暗示大家都認同今年底前樓市依然「無運行」？

其實近幾年，作為龍頭大哥的新地都奉行「月月有樓賣」，到今年上半年樓市暢旺，更到達「周周有樓賣」的地步，但到了9月份，元朗PARK YOHO Napoli一出隨即「撻Q」，發展商隨即在10月份推出100個單位「轉賣為租」，避開空置稅之餘亦保留些少顏面。而新地隨後亦都主要推售貨尾單位，以及沙田商廈項目，就連已批預售文件的土瓜灣北帝街項目，都有傳會押後到明年才推出，今年都只會以貨尾盤之主。

至於另一龍頭長實，今年都沒有推出過大型新盤，年中推出的淺水灣洋房最終都只賣出三伙，而中半山波老道項目，9月份已批出預售，以長實多年來的習慣，一向「貨如輪轉」，趙樓神亦經常稱，集團旗下樓盤，只要批出文件便會立即推售，但今次卻一反常態，未知是否受市況影響，但近期多個豪宅盤銷情都一般，代理就有傳，波老道都會留待明年才推出。

兩大龍頭即使有預售文件在手都按兵不動，其他發展商呢？地政總署資料，今年10月雖然推出4份預售文件，但就只有華懋一個已經推盤，其餘3個，包括兩個內地發展商，以及另一本地薑恒地，都未推出有紙在手的項目，更甚的是，上個月直頭沒有發展商入紙申請預售，當然你可以解釋為工程進度未到可以申請預售的階段，但真的咁巧合全港地盤都未到可申請預售的地步？還是發展商都看到通後市，寧願遲一點申請、遲一點賣樓？

=============================================
中小型代理行大匯集 Yahoo!搜尋器筍盤最多最齊