【水能覆舟】今次細價股的熊市會以咩形態出現（渾水）

【水能覆舟】今次細價股的熊市會以咩形態出現（渾水）

很容易就感受到大價股的氣氛有幾差，最直接當是睇恆指高低、睇成交、睇主要藍籌走勢，然後再逐個板塊去睇。

細價股氣氛沒有很多客觀測量標準，坊間一些指數我都覺得不夠代表性，創業板指數也反映不了多少，細價股、殼價可不只存在在鍵業板當中。有一些明明是細價股質地，卻可以被硬生生炒成滬深港通名單，代表性繼續成疑。

主觀的方式就係留意一些質地不差的靚殼有無慢慢陰跌，成交開始慢慢縮。新股都係一個好指標，如果連續幾隻殼股上市即大跌，那你就知道氣氛真的變差了。除此之外，我覺得另一個標準是看有無一些大倉開始爆破沒頂。新聞報導有一些高桿杆高孖展的內地玩家開始爆破，近年香港的市都是由內地資金主資，殼股亦然。我感覺香港的資本玩家相對安全，因為無乜做野就無乜風險，但內地最活躍的人分分鐘就爆破的指標。

現在密集式大規模爆破未見到，只是間中見刑一、兩個爆而已。成日聽到一句說話叫「This time is different」，邏輯上來講「Everytime is different」才是更正確，因為總不可能每一次股災都一模一樣，但我相信萬變不離其宗，總有一些端倪和手影可尋。當最活躍的玩家都頂唔順，慢慢被大市擊倒，那就差不多是熊市中段了。

熊市常常會有朋友玩淡倉，好像我，間中為了捉手感或手痕，總會小注玩幾萬蚊，然後等比大戶挾倉。資金安全水平下玩玩無妨，但玩得大怕中招，熊市最好乜都唔做，我現在連高息公用股都懶得睇了。