雅虎香港財經 【異動尋寶】升咁多點追呀？（魏力）
「點追呀？」舜宇光學（2382）盈喜升到你唔信，魏力fb收到 不少pm查詢，就係講上述三個字。跌時想再低啲先買， 升時又想等回落再買，結果總係買不到強勢股， 而今年慢牛升了半年，主題就係炒「強者越強」， 不敢追的散戶自然被放甩，車尾燈都睇唔到。
根據統計，年初以來2,000隻港股，能跑贏恒指20%升幅的股份，只有22%；48%股份（即接近1,000隻）錄得負回報， 即係話有78%股份跑輸大市，有一半機會更會中伏輸錢。 這實實在在反映出，基金大戶（特別是中資） 今年只係圍起一堆股份去炒，其他一概不理。久而久之， 大部份基金為免跑輸大市，均焗住追入同一批股份， 形成強者越強的走勢。
騰訊（700）、舜宇光學、IGG（799）、比亞迪電子（2 5）就是今年最得寵的「科技四寶」，一隻藍籌巨無霸， 一隻高增長硬件股，一隻高增長軟件股，一隻硬件組裝龍頭，tha t’s it。其他當然也可以買，但走勢相對較慢，也只能較小注介入， 重中之重應該仍是上述四股。
至於仲買唔買？老實說，去年目前呢個價，四隻都不再便宜， 但貴可以再貴，直至天價，騰訊就是一例，多年來長升長有。 買第一注永遠最難，所以宜先小注一試，走勢對辦、 開始有利潤在手，才考慮買第二注。
反之，一買就開始跌， 應該忍手，越跌越溝是死路一條，而由於第一注買得不多， 止蝕位可以放遠一點（例如20%），咁就不會輕易被震走。 強勢股很少會短時間回落20%，如超過這個幅度， 通常代表業績出現問題，或市況將現大調整，這時就宜先沽出觀望。
