【胡.說樓市】新盤奇遇記 - 車位面積都夠住?
車位你肯肯定見過唔少,但有冇諗過車位面積係可以住到人,而且可以放一張雙人床、開放式櫥櫃、廁所,講緊嘅唔係白鴿籠,而係即將開售嘅納米新盤。呢個盤除左考大家財力外,仲要考大家想像力,喺有限空間裡變魔法。
愈住愈細的納米樓,是全盤得142伙、位於香港仔田灣的「南津.迎岸」,164呎是新例後港島區第二細位。開放式佔全盤近70%,最大200呎都無,但最平353萬元上車,16個單位跌入按保門檻。
有市場,只因田灣區蚊型二手貨色,都飛升至四百萬過外,今年僅得兩宗400萬內成交,最新放盤已經要480萬,無兩成首期、過百萬在手也難上車。
壓縮面積去迎合銀碼,奈何「南津.迎岸」實用性,除了被「內櫳牆身」厚度蠶食外,單位也要攤分不少「公用面積」,一層兩部電梯,偏偏得圍繞開放式單位電梯,至設有225至250毫米厚的「主力牆」,有兩伙開放式要硬吞這部份面積,每戶攤分九呎空間。
加上構成圍封牆一部份的「非結構預製組件」及「幕牆」,亦需一併計入「實用面積」,這裡又有6至12呎。變相買了但用不到的空間,差不多佔了單位近一成,以首批50個單位,即供均價21429元呎計,大約盛惠26至32萬。