【金錢逆經】香港的「官商勾結」只屬小兒科 (杜柏森)

官商勾結

潮流興講「官商勾結」，如果跟美國市場比較，香港的「官商勾結」情況可以話真係小兒科。美國市場佬同政府配合做野係目中無人的做到出哂臉，在軍事配合經濟霸權下，跟本唔怕你們知道。美國不斷的想打壓中國，就是怕中國成長能與其抗衡。例如早前要對中國經濟施壓，配合南海問題出擊，一時間搞到南海地區戰雲密布影，亞洲市場有如死水；影響所及當然有香港份兒，不過，今次外資中伏了，以外資為首的「空軍」，以為可以好似昔日環境，順勢沽空港股搵食。結果被國內「大媽」資金買返轉頭，最後係偷雞不成蝕埋米，港股由恒指19,500點迅速升上23,500點，真真好不威風，相對亞太地區其它市場，港股真係好有吸引力。

講到做生意，香港的營商環境真係比地產玩殘，高昂的祖金搞低好多小本經營者；直接令到自由競爭市場變成財團連鎖市場天下；近年更搞到連小財團都被玩殘。好似近期傳聞賣盤個隻富臨集團(01443)，本身做飲食，最後搞到要同硅谷天堂集團訂立諒解備忘錄，話可能出售所持公司股份。係今時今日，香港的飲食市場是極端的兩極化，快餐市場如大家樂和麥當勞在中、下消費市場有生存空間，富臨的不高不低酒樓市場，艱苦經營，根本無法同美心這種全面巨型飲食集團抗衡，賣檔係最佳出路，不過，由於自身條件不足，自然難賣得好價錢，以NAV只有0.7元計，現價1.24元等同16億市值，但殼價只值5.5億，係1.24元這個水位做收購，明顯蝕底，所以唔好以為現價富臨係筍野，隨時會「中蕉」！想炒賣殼概念，家陣市場有大把風吹出，機會多多；例如近日就有傳話德仔(3823)大當家想剪斷是非，有意賣檔，股價即時就急跌，相對價錢更有吸引力。