中六合彩$2,000萬夠唔夠退休 網民:最緊要生活無壓力 養生為重
【六合彩】你心目中認為賺幾多錢先夠退休?假若你今晚中六合彩,有成2千萬,你又會唔會即刻辭職好好享受人生?近日討論區有網民提到,有唔少人認為2千萬其實都唔夠洗⋯⋯
撰文:麗爾 |圖片:新傳媒資料庫、電視截圖
延伸閱讀:
樓市大踢爆 通街劈價盤 點解樓價指數跌咁少 | 香港樓市2018 | CCL | 黃良昇 | 中原城市領先指數
年尾清假去旅行兌外幣要睇 邊間匯率最抵? 3大銀行 3大找換店 大比併|百年|堅成|發達鳥|Super Rich
有網民提出以前一個過億老闆的理論:「當你搵到一百萬就自然想搵一千萬,當你搵到一千萬就自然想搵一億,人就係咁!」
但掉返轉黎諗,好多人打成世工都儲唔到二千萬,咁嗰啲人點退休呢⋯⋯
「二千萬退休」基本係睇你咩年齡,每個年齡需求唔同,以及生活態度。
有網民舉例:假設你係單身,慳住用筆錢,再加上識少少投資,過普通生活係無問題。
如果你好窮到搵到兩千萬,你滿足維持你無咩錢的時候生活,就夠退休。
如果你搵到兩千萬,仲好後生,繼續想進步,想有更高水平生活,向上游,咁真係唔夠退休。
不過有人亦表示,假如有仔女的話,有2000萬都未必夠。
「供個仔讀 UCLA, michigan 都400萬啦。」
支出同收入基本都會成比例 ,需求層次就可能唔同哂。
「買架跑車先, 買隻錶先, 食飯一餐4位數 」
而有仔女嘅,本來讀普通學校就變成海外留學,朋友階級唔同,直接影響你個人嘅消費模式。但 當然不排除有人可以生活依舊清茶淡飯。
網民亦提出,唔覺愈多錢就等如愈好。
錢多到一個位,你知你理性地亂用, 都唔會用得晒嘅水平, 就已經好夠。
再多其實係無意義. 多數香港人只以錢作為人生價值, 先會有呢種睇法。
反而, 盲目追求, 會對自己成為一個負累.
而有網民認為帳面上合理,原因為:
500萬不動產做定期約2%一年多10萬,每個月都多差不多1萬了
500萬市區難買靚樓,但新界大把選擇。
剩低嘅錢可用來買收息股,每月供份1千嘅保險。
但有樣嘢係無得預而且係好貴, 就係醫療。